Die Do Hiemon Box is soos ’n persoonlike verkoelingshokkie. Jy klim binne die sogenaamde yskas, gaan sit, en koel lug word op jou kop, nek, skouers en rug geblaas. Die lug word verkoel tot 5 °C  en die vervaardiger beweer tien minute is lank genoeg om jou liggaamstemperatuur vinnig te laat daal en hitteuitputting te voorkom.

Dit hou die binnekant op ’n aangename temperatuur, bied drie verskillende temperature en skakel ná 20 minute outomaties af sodat gebruikers nie te koud kry nie. Dit gebruik ook sowat die helfte van die elektrisiteit van 'n gewone draagbare lugversorger en kan maklik rondbeweeg word danksy ingeboude wiele.

Die “mens-yskas” word aan maatskappye en regeringsinstansies in Japan verkoop teen ongeveer R165 000 per eenheid. Van die munisipaliteite oorweeg dit om dié verkoelingshokkies in openbare ruimtes op te rig sodat enigeen gratis daar vir ’n paar minute kan afkoel. 

Wie weet, dalk is dit eendag heeltemal aanvaarbaar om in die yskas te staan wanneer dit warm raak!

Lees meer dg