Die miere is bo-op die nagereg gestrooi om ’n skerp, suur smaak by te voeg. Hoewel miere in verskeie lande geëet word, is hulle nie op Suid-Korea se lys van goedgekeurde eetbare insekte nie, wat beteken die bestanddeel was onwettig. Die restauranteienaar het erken dat die miere uit die buiteland ingevoer en oor ’n tydperk van verskeie jare aan klante bedien is.

Volgens aanklaers is die nagereg meer as 12 000 keer met miere voorgesit, wat na raming sowat R1,5 miljoen se inkomste gegenereer het. Amptenare skat ook dat byna 49 000 miere eindelik op borde beland het. Dit het aan die lig gekom nadat voedselinspekteurs aanlyn resensies en foto’s raakgesien het waarop die miere duidelik op die nagereg sigbaar was.

Asof dit nie genoeg was nie, het laboratoriumtoetse glo bevind dat die ingevoerde miere baie hoër vlakke van swaarmetale bevat het as insekte wat wettig vir menslike gebruik goedgekeur is. Die restauranteienaar is reeds met ongeveer R255 000 beboet, en ’n hof sal binnekort besluit of daar ook ’n tronkstraf opgelê moet word.

‘n Mens hoor gereeld van ’n mier in die suikerpot … maar ’n mier op jou nagereg? Dít is beslis 'n ander storie!

Lees meer sm