Dié groot luislang is diep in die Umkomaasvallei gevind deur 'n span van Working for Water.

Volgens The Witness het die span voorheen gelukkig 'n slangkursus saam met die plaaslike slangredder Nick Evans gedoen, en toe hulle die reptiel teëkom, het hulle vinnig bekommerd geraak omdat dit gelyk het of die slang sukkel om te beweeg.

LEES OOK: 'Slangman' teaches employees about snake awareness

Die span het die slang in 'n mieliesak gebondel, dit uit die vallei gedra en iemand gaan soek wat kon help.

FreeMe is gekontak om te help en die slang is na Hilton gebring, waar dit aan die FreeMe-span oorhandig is.

Dit is die presiese plek waar FreeMe-kundiges die besering vermoed het, ongeveer 1 m agter die kop. Foto: FreeMe Wildlife

Die 4,2 meter lange luislang. Foto: FreeMe Wildlife

'n X-straal wat die presiese plek wys, waar die pyle is, van 'n fraktuur in 'n enkele werwel en een rib. Foto: FreeMe Wildlife

FreeMe-kundiges met die luislang. Foto: FreeMe Wildlife

FreeMe-lede kry 'n X-straal van die beseerde slang. Foto: FreeMe Wildlife

Met hul aankoms by die rehabilitasiesentrum het die FreeMe-span vinnig en versigtig aan die werk gespring om uit te vind wat fout kan wees.

Nadat hulle ’n groot oppervlakwond aan sy nek gevind het, het die span vermoed iets is steeds nie reg nie, en besluit om X-strale te neem.

Dr. Diana Foden, van Aragon-veeartsenykliniek in Nottinghamweg, is ontbied en sy het hulp verleen met 'n mobiele X-straal wat vir perde gebruik word.

X-strale van die luislang van 4,24 m was egter 'n reusetaak wat talle helpende hande genoodsaak het, aangesien die span duim vir duim oor die liggaam gewerk het.

Die X-strale het 'n fraktuur in 'n enkele werwel en een rib aan die lig gebring, waarna die FreeMe-span vol vertroue was dat die vroulike luislang sal kan herstel.

OFM-nuus