South Africa
Twee bakkies bots teen olifant in pad─── 08:18 Thu, 23 Mar 2023
FOTO: Facebook/Traffic Policing Affairs Limpopo
Vyf mense het ligte beserings opgedoen toe twee bakkies, insluitend 'n polisievangwa, op die R71-pad naby Gravelotte in Limpopo teen 'n olifant in die pad gebots het.
Volgens Tidimalo Chuene, woordvoerder van Limpopo se Departement van Vervoer en Gemeenskapsveiligheid, het die voorval omstreeks 18:50 plaasgevind.
Die bestuurders van die polisievoertuig en Toyota Hilux, asook drie passasiers in die bakkie, het slegs ligte beserings opgedoen.
Die olifant is op die toneel dood.
