’n Aardbewing is gisteraand in verskeie dele van Johannesburg aangemeld, insluitend Roodepoort aan die Wes-Rand en in Soweto.

Die Raad vir Geowetenskap het bevestig dat die skudding van 3.62 omstreeks 21:24 Woensdagaand aangeteken is.

Johannesburgse noodwoordvoerder, Robert Mulaudzi, sê hulle is op hoë gereedheid. “In hierdie stadium het ons nog geen groot voorvalle in die stad deur ons oproepsentrum ontvang nie.”

Vorige skuddings

In Julie is 'n plaaslike skudding van 2.98 op die 22ste in verskeie dele van Johannesburg aangeteken, met die episentrum suid van Johannesburg, twee kilometer suid van Harmony se Doornkop-goudmyn. Die skudding het omstreeks 18:47 plaasgevind.

En in 'n ander voorval in Junie is nog 'n geraamde skudding van 4.8 in Gauteng gevoel, met Boksburg as die episentrum.

Die skuddings, wat ook tot in Pretoria ervaar is, het strukturele skade aan sommige eiendomme aangerig.

??#Earthquake (#aardbewing) M3.2 occurred 27 km W of #Johannesburg (South Africa) 11 min ago (local time 21:24:51). More info at:
??https://t.co/bKBgMeo7Ud
??https://t.co/KaoZMoMmOU
??https://t.co/JU5Phwaum3 pic.twitter.com/ZlTXEZYVde

— EMSC (@LastQuake) August 30, 2023

Geaffekteerde inwoners rig reeds petisies aan versekeringsmaatskappye, terwyl ander berading nodig het.

“Dit was 'n traumatiese ervaring en ek kon nie slaap nie. Selfs nou het ek berading nodig,” het ’n inwoner gesê.

“As dit weer gebeur, sal ek nie kan staan nie, want die struktuur is reeds aangetas. Ek weet nie eens of die versekering sal help nie,” het 'n ander inwoner gesê.

Die Raad vir Geowetenskap sê die seismiese gebeurtenis was matig groter en het Gauteng se Oos-Rand as die episentrum bevestig.

OFM Nuus