Die Suid-Afrikaanse Nasionale Weermag (SANW) verwelkom die besluit om op mafiabedrywighede in konstruksie en mynbou toe te slaan deur die weermag te ontplooi in gebiede waar die konstruksiemafia en onwettige mynwerkers bykbaar vrye teuels het.

Die SAUK berig in ’n verklaring sê die SANW die ontplooiing van die weermag moes lankal gebeur het. Dit sal help om "wet en orde" te herstel.

Ramaphosa het Donderdag (2/11) bevestig hy het aan Nosiviwe Mapisa-Nqakula, speaker van die Nasionale Vergadering, en Amos Masondo, voorsitter van die Nasionale Raad van Provinsies, gskryf en gesê meer as 800 soldate moet ontplooi word om misdaad in die land te bekamp.

Ramaphosa sê die weermag sal ontplooi word na gebiede waar die polisie nie misdaad kan hokslaan nie. Die ontplooiing sal tydelik wees tot wet en orde in dié gebiede herstel word.

Onwettige mynbou

Die weermag is volgens die SANW beter geskik om die uitdagings van onwettige mynbou- en konstruksiemafia in die land die hoof te bied. Adv. Pikkie Greeff, sekretaris van die weermagvakbond Sandu, sê soldate is beter toegerus en opgelei om hierdie swaar gewapende en gewetenlose misdadigers aan die man te bring.

“Die belangrikste hier is die verskil tussen soldate wat betrokke is om die polisie by te staan in die bekamping van misdaad in die normale sin van die woord en die spesifieke scenario – ons almal weet dat zama-zamas glo swaar gewapen en gewetenloos is. Hulle gee nie om om in skietgevegte betrokke te raak nie. In hierdie opsig is soldate waarskynlik meer opgewasse om daardie situasie te hanteer,” sê Greeff.

Hy sê die weermag kan die fort beter in sekere gebiede hou, wat nodig is om die onwettige mynbou- en konstruksiemafia te hanteer. "Waaroor ons regtig praat, is 'n besetting van sekere gebiede. Dit is soos om 'n sekere gebied binne te val en bloot die fort daar te hou; dit is waarvoor jy die weermag nodig het." 

Die laaste paar maande was daar verskeie gewelddadige voorvalle waarby zama-zamas betrokke was – onwettige mynwerkers wat gewoonlik in gevaarlike omstandighede werk en dikwels gewapen is.

Soldate is waarskynlik meer opgewasse om die situasie te hanteer.

Konstruksiemafia

Die konstruksiemafia word ook daarvan beskuldig dat hy projekte landwyd tot stilstand bring, geld van kontrakteurs afpers en werkers intimideer.

Die regering het die weermag ontplooi om die polisie by te staan om misdaad in sommige gebiede te bekamp, maar Sandu sê dat die weermag meer betrokke moet wees by die hantering van die onwettige mynbou- en konstruksiemafia.

"Ons moet seker maak dat die weermag behoorlik toegerus en opgelei is om hierdie spesifieke bedreiging die hoof te bied," sê Greeff. “Ons moet ook seker maak dat die weermag die nodige logistieke ondersteuning kry om sy missie doeltreffend uit te voer.”

OFM Nuus Corné/Daphné/Morné