South Africa
Valke trek voormalige MKP-lid in hof vas op tweede aanklag─── 06:44 Sun, 18 Aug 2024
“Die kern van die aankondiging was om die burgers van Suid-Afrika aan te spoor om te betoog en geweld oor die hele land te pleeg, sou die politieke party van sy keuse nie op die stembrief wees nie.”
Die Valke het die inhegtenisneming van die voormalige jeugsameroeper van die uMkhonto weSizwe Party (MKP) Bonginkosi Khanyile bevestig.
Valke-lede van KwaZulu-Natal se Crime Against the State-eenheid het die Khanyile (34) Vrydag in hegtenis geneem vir die oortreding van die Wet op Oproerige Byeenkomste en sameswering om openbare geweld te pleeg.
Khanyile het tydens ’n mediakonferensie in Maart vanjaar in Johannesburg gedreig “om oorlog te verklaar” indien die Onafhanklike Verkiesingskommissie (OVK) oudpresident Jacob Zuma of die party van die stembrief verwyder.
[WATCH] #MKParty Khanyile says if the IEC removes MK Party or former president Jacob Zuma from the ballot,there won’t be elections on the 29 May.
— Jacaranda News (@JacaNews) March 13, 2024
“We are prepared to lay down our lives, bring it on,” pic.twitter.com/Vy99OWx0Gb
“Daar word beweer dat Khanyile ’n openbare aankondiging gemaak het wat in stryd was met die Wet op Oproerige Byeenkomste.
“Die kern van die aankondiging was om die burgers van Suid-Afrika aan te spoor om te betoog en geweld oor die hele land te pleeg, sou die politieke party van sy keuse nie op die stembrief wees nie,” het Katlego Mogale, Valke-woordvoerder, gesê.
Mogale het verder gesê dat die aankondiging deur Khanyile ook impliseer dat Suid-Afrikaners moet bymekaarkom en die plundering wat in Julie 2021 plaasgevind het, moet herhaal.
??BREAKING NEWS??
— Constitution First ???? (@Constitution_94) April 29, 2024
The IEC has instructed the MK Party to remove Bonginkosi Khanyile and Visvian Reddy from the MK Party Parliament candidacy list
This follows their own Zuma styled criminal convictions.
The IEC feels that, just like their spiritual father, Jacob Zuma, the two… pic.twitter.com/2Zp7Mn2ZfV
Khanyile staan ook tereg op soortgelyke aanklagte as ’n vermeende aanstigter van die dodelike Julie 2021-onluste. Meer as 300 mense is dood en dele van Gauteng en KwaZulu-Natal het biljoene se skade en ekonomiese agteruitgang beleef.
Vir sy Maart-uitsprake is ’n kriminele saak teen Khanyile by die Brixton-polisiekantoor aangemeld en hy is in die Durban-landdroshof gearresteer terwyl hy vir die 2021-saak verskyn het. Hy is op borgtog vrygelaat en sal weer op 23 September 2024 vir albei sake in dieselfde hof verskyn.
Terselfdertyd is Khanyile met R150 000 beboet deur die Verkiesingskommissie oor dieselfde voorval.
OFM Nuus cg
