South Africa
Sneeustorms in Vrystaat, KZN en Oos-Kaap ontwrig verkeer; talle vasgekeer─── 05:49 Sat, 21 Sep 2024
“Afgesien van sneeuval, veroorsaak die skielike daling in temperatuur ook die vorming van swart ys.”
Die N3 by die Van Reenenspas is een van talle roetes wat gesluit is weens gevaarlike toestande, insluitend swart ys.
Die N3-tolkonsessie sê in ’n verklaring verkeer word by die Tugela Plaza in KwaZulu-Natal en die Harrismith-Suid-wisselaar in die Vrystaat voorgekeer. Motoriste word in albei rigtings omgedraai. Die meeste ompaaie is ook gesluit of ervaar erge verkeersopeenhopings.
Free State - N3 Route: #SNOW between Harrismith and Van Reenen - AVOID overnight travel pic.twitter.com/i7H4GNjg7c
— TrafficSA (@TrafficSA) September 20, 2024
“Afgesien van sneeuval, veroorsaak die skielike daling in temperature ook die vorming van swart ys. Padoppervlakke is glad, en berigte word ontvang van vragmotors wat traksie verloor, veral op die opdraandes in Van Reenenspas,” lui die N3-tolkonsessieverklaring, wat Vrydagaand (20/9) uitgereik is.
Motoriste word versoek om reisplanne wat die N3 in die Van Reenenspas-gebied insluit, te heroorweeg en uit te stel totdat die weer opklaar en die paaie weer veilig is.
Die Suid-Afrikaanse Weerdiens het Donderdag ’n vlak 6-waarskuwing uitgereik vir ontwrigtende sneeu, reën en skadelike winde terwyl ’n kouefront oor dele van die land inbeweeg.
Free State - #SNOW at Zastron pic.twitter.com/qk51urnTM4
— TrafficSA (@TrafficSA) September 20, 2024
Snow Report SA het ’n boodskap ontvang van iemand wat in sneeu op die R103 tussen Mooirivier en Escourt in KwaZulu-Natal vasgekeer is. “Dit is een van verskeie boodskappe wat ons ontvang het van mense wat vasgeval het. Dit lyk of die N3 by Van Reenens gesluit is. Ons het verwag dat dit saam met verskeie ander paaie gesluit sou word.
“Dit sal wonderlik wees as (rampbestuur) met die media kan kommunikeer vóór sulke sneeustorms sodat ons dit vooraf aan die publiek kan bekendmaak.”
??Weather & severe weather alerts for tomorrow, 21 September 2024. As well as the weather outlook for Sunday and Monday, 22 - 23 September 2024.#saws #weatheroutlook #southafricanweather pic.twitter.com/QdbgmhPRsQ
— SA Weather Service (@SAWeatherServic) September 20, 2024
OFM Nuus cg
