Freddie Nel het by die Good Morning Breakfast 'n draai gemaak en vir die span vertel hoe hy betrokke geraak het by vêrgooi.

Freddie vertel dat na hy ‘n pad gestap het as kragopteller en sterkman het hy talle beserings opgedoen en omdat hy ‘n baie aktiewe mens is, het hy besluit om iets anders aan te pak. Nel het besluit om by sy plaaslike dam te gaan visvang waar hy genader was deur Protea vêrgooier, Stephan Putter wat sy talent vir vêrgooi gesien het en hom genooi het om by hulle aan te sluit.

Freddie Nel is onder die top tien vêrgooiers in die wêreld en is deel van die Proteaspan wat in November in Paraguay aan die wêreldkampioenskapsbyeenkoms gaan deelneem.

Lees ook: Chappies Potgieter: "Eerste parapleeg om deel te neem aan Ysbeer-swem"

Nel spog met ‘n provinsiale record, asook twee Suid-Afrikaanse rekords. Die vêrste afstand wat Freddie al gegooi het is 272,97m met ‘n 100g gewig.

Luister na die volle onderhoud hier: