World News
Jackson-kinders ontvang toekenning namens Michael─── 16:52 Mon, 01 Feb 2010
Los Angeles - Michael Jackson se oudste twee kinders, Paris en Prince het vanoggend 'n toekenning namens hulle pa by die Grammy-toekennings in Los Angeles ontvang. Jackson is vereer vir sy lewenslange bydrae tot die musiekbedryf. Paris en Prince het tydens hul toesprake gesê hul pa, wat in Junie verlede jaar dood is, se boodskap was eenvoudig net liefde. Carrie Underwood, Jennifer Hudson, Celine Dion, Smokey Robinson en Usher het ook kragte saamgespan om Jackson se Earth Song te sing. Popster Beyonce het as die groot wenner by die geleentheid weggestap. Sy het ses Grammys ingepalm, met Taylor Swift wat vier toekennings ontvang het. The Black Eyed Peas, Jay Z, Kings of Leon, Lady Gaga en Eminem was van die ander wenners.
Sapa
te neem.
