Afrikaans kry vlerke by NALN met 100 Vlugskrifte! Op 8 Mei 2025 word die honderdste bestaansjaar van Afrikaans as amptelike taal gevier. Die Klinkklaar Vokale en Instrumentale Ensemble deel in hierdie eeufeesvieringe met ՚n program wat saamgestel is uit toonsettings van grepe uit ՚n honderd Afrikaanse gedigte. In hierdie aanbieding, getiteld "100 Vlugskrifte", kry Afrikaans as’t ware vlerke aangesien elkeen van die honderd gediggrepe oor voëls, vlerke of vere handel. Joanita Erasmus-Alt het die toonsettings, waarin meer as veertig digters se gedigte gebruik is, gedoen. Afrikaans 100 Vlugskrifte: Klinkklaar Vokale & Instrumentale Ensemble: NALN op 13 Mei 2025 om 18:00. Toegang is gratis, maar vrywillige donasies ten bate van Klinkklaar sal verwelkom word. RSVP by annelien.naln@gmail.co.za Die geleentheid verskyn ook op: PROGRAM AFRIKAANS 100: https://afrikaans100.org/kalender/ *Die Nasionale Afrikaanse Letterkundige Museum en Navorsingsentrum is geleë op die h/v Charlotte Maxeke- en Pres. Brandstraat. Parkering is beskikbaar voor die Ou Goewermentsgebou, via die hoofhek vanuit Pres. Brandstraat, of op die teervlak langs die gebou, vanuit Miriam Makebastraat (voorheen Elizabethstraat). Volledige kennisgewings volg later oor: ·#ougoewermentsgebou150: Viering op Saterdag 31 Mei 2025 om 10:00 met Kobus du Preez as spreker en toerleier. Ook: Vrystaat Kunstefees Literatuurfees: NALN se Hulde aan helde-reeks: Peter Blum 100; Nico Luwes; Corlia Fourie.