Sabrina Dean

 

Bloemfontein - Bekende Suid Afrikaanse komediant en akteur Leon Schuster sê hy is baie verlig dat sy enigste broer ‘n massiewe hartaanval die naweek oorleef het.

 

Johan Schuster, wat op 64, twee jaar ouer is as sy bekende broer, is in ‘n bestendige toestand en sterk tans goed aan in die Mediclinic Bloemfontein se intensiewesorgeenheid. Leon sê hy is op die oomblik in Bloemfontein om sy broer te ondersteun.

Leon sê gelukkig was sy broer reeds in die hospitaal toe dit gebeur het en 'n dokter kon binne drie minute optree. Hy sê sy broer het die dokter se goeie raad ter harte geneem en sal die lewe voortaan 'n bietjie rustiger neem.