A Slice of Life
Mommy Matters - Die verskil tussen "Baby Blues" en nageboorte depressie─── 13:21 Mon, 19 May 2014
Wanneer 'n baba sy of haar verskyning maak is daar 'n oorweldigende emosie en selfs angs. Maar hoe weet jy dit is nageboorte depressie en hoe verskil dit van "Baby Blues"? Darhita Mouton van “Powerfully Prepared Moms” is ‘n suster met ‘n passie vir mammas en hul babas. Sy gesels oor nageboorte depressie en hoe dit van Baby Blues verskil. Luister gerus na die podcast hier onder. Intussen skryf Olivia Aucamp Badenhorst op ons facebook blad:
“Ek het "baby blues" gehad na die geboorte van my eerste kind (16 jaar gelede). Ek het sommer net gehuil vir geen rede nie. Aaklike gedagte het deur my kop gegaan soos byvoorbeeld dat die huis sal afbrand en ek haar nie betyds uit die huis sal kan kry nie of dat daar inbrekers sal kom en ek haar nie sal kan beskerm nie. My huisdokter het medikasie vir 6 maande voorgeskryf. Ek het binne 'n paar dae baie beter gevoel. Na 6 maande het ek nie meer die medikasie nodig gehad nie. Ek het nie met my tweede kind se beboorte (5 jaar later) weer "baby blues" gehad nie. As ek iemand met "baby blues" kan raadgee: "Noem dit dadelik vir jou huisdokter en kry hulp."
Volgende week gedurende Mommy Matters – vertel suster Darhita Mouton hoe jy nageboorte depressie kan behandel sonder enige medikasie. Vir meer inligting is jy welkom om Darhita na ure te kontak – sy kan mammas dwars oor die streek help met al haar kontakte. Na ure 072 682 6134 of per epos darhita.mouton@gmail.com
Mommy Matters is daar om jou as ma te help - stuur gerus vir my 'n epos as jy 'n vraag of voorstel het yolanda@ofm.co.za
Mommy Matters - Wat is die verskil tussen "Baby Blues" en nageboorte depressie?:
