Mariné Jacobs

Die Noord-Kaap het steeds die hoogste voorkoms van Fetale Alkoholsindroom te wêreld met sekere areas waar tot 12% van kinders met dié sindroom gebore word.

Só sê Leana Olivier, Hoof Uitvoerende-beampte van die Stigting vir Alkohol-verwante Navorsing.

Volgens Olivier is baie intensiewe navorsing rakende swanger vroue se drankgewoontes spesifiek in die De Aar, Upington en Kimberley omgewing gedoen.

Olivier sê onkunde is een van die grootste oorsake vir hierdie skoksyfers, maar Suid-Afrika se algemene drankverbruik dra ook by tot die probleem.

‘n Kind met Fetale Alkohol Sindroom word met breinskade gebore as gevolg van die ma se gebruik van alkohol tydens die swangerskap.

Slegs vier tot vyf sopies ‘n week is genoeg om die sindroom te veroorsaak.
 
Volgens Olivier is gerugte dat die sindroom oorkom kan word onwaar, omdat die breinskade permanent is.

Vir meer besonderhede oor die sindroom, asook bewusmakingsveldtogte kan www.farr-sa.co.za besoek word.