Mielies:

Amerikaanse mieliepryse het vervaag namate handelaars voortgaan met die verkoop van posisies voor USDA se verslag oor die plantvoornemens Woensdag.

Farm Futures voorspel dat Amerikaanse boere hierdie lente 37.878 miljoen hektaar mielies gaan plant, wat die vierde grootste voetspoor op rekord sal wees as dit realiseer.

Die plaaslike mieliemark het gister wisselvallig verhandel oor al die kontrakte wat vir wit- en geelmielies gelys is.

Die witmieliemark het vir lewering in Julie 2021 R31/ton laer verhandel vir die dag om teen R3 087/ton te sluit. Die geelmieliemark het vir lewering in Julie 2021 R22/ton laer verhandel om teen R3 210/ton te sluit.

Sojabone:

Amerikaanse sojaboonpryse het dieselfde opdraande stryd as mielies geveg weens die verwagtinge vir groot Suid-Amerikaanse oeste, plus 'n groot area Amerikaanse hektare wat hierdie lente geplant gaan word.

'n Eksklusiewe opname van Farm Futures verwag dat die USDA se voornemensverslag Woensdag sal aandui dat sojaboonaanplantings in 2021 ongeveer 35,814 miljoen hektaar sal beloop. Dit is 2,185 miljoen hektaar meer as wat Amerikaanse boere verlede jaar geplant het.

Die plaaslike sojaboonmark het gister ondersteuning verloor en swakker gesluit oor alle kontrakte wat tans gelys is.

Die plaaslike sojaboonmark het vir lewering in Mei 2021, R130/ton laer verhandel vir die dag om teen R7 505/ton te sluit.

Koring:

Amerikaanse koringpryse het in Maandag se sessie steeds gesukkel, en dit het effens laer gewys in die verhandeling.

Resultate van die jongste Farm Futures-opname dui daarop dat Amerikaanse winterkoringhektare vir die eerste keer in agt jaar hoër kan beweeg en 12.949 miljoen hektaar kan bereik. Hierteenoor kan lentekoringhektare vanjaar met 7% daal tot 4,613 miljoen hektaar, met die veronderstelling dat meer produsente in die Noordelike Vlakte van hierdie hektare na mielies en sojabone sal oorskakel om hul winspotensiaal vanjaar te maksimaliseer.

Die plaaslike koringmark het gister ondersteuning verkry en het sterker geëindig oor alle kontrakte wat gelys is.

Die plaaslike koringmark het vir lewering in Julie 2021 R3/ton hoër verhandel en gesluit teen R5 059/ton.

OFM-nuus