Agri Hour
Verbetering in Australiese wolmark, verswakking in Rand lei tot versterking in SA wolmark─── 05:00 Fri, 26 Nov 2021
Die verbetering in die Australiese wolmark sowel as die verswakking van die Rand teenoor die vernaamste geldeenhede, het vandeesweek gelei tot die versterking in die Suid-Afrikaanse wolmark.
Sien onderstaande PODCAST
Heinrich Victor, senior wolbemarker by OVK, sê wol wat hierdie week in die makelaars se pakhuise ontvang is, is 11,6% laer in vergelyking met die ooreenstemmende tydperk in die vorige seisoen.
Hy deel dat volhoubaar gesertifiseerde (RWS), goeie kwaliteit Merinowol, het weer eens goeie aandag geniet tydens die veiling. Dit, terwyl gesertifiseerde wol ook beter presteer het as die mark gemiddelde, wat gesonde kompetisie tussen kopers tot gevolg gehad het.
Skakel gerus met OVK om u by te staan in die RWS-sertifiseringsproses.
Die volgende en laaste veiling van die jaar is geskeduleer vir 1 Desember. Daar word verwag dat sowat 15 982 bale aangebied sal word.
OFM-nuus