Deur die jare het die bekoorlike dorpie Rosendal in die Oos-Vrystaat hom gevestig as 'n middelpunt van kreatiwiteit, en baie voltydse kunstenaars noem dit nou hul tuiste. Vanjaar is daar met 'n nuwe projek "Let’s Draw Rosendal" begin. Ieder en elk, jonk en oud, ervare of beginner, plaaslik of nie, word genooi word om deel te neem aan dié prettige en kreatiewe geleentheid.

Die Vrystaatse kunstenaar Michelle Nigrini praat met Mid-Morning Magic se Yolanda Maartens oor hierdie unieke fondsinsameling en waarvoor die geld gebruik gaan word. Michelle is self ‘n inwoner van Rosendal en gesels ook oor haar liefde vir die inwoners.

Die doel van "Let's Draw Rosendal" is om mense deur kuns bymekaar te bring, om die betowering van Rosendal kreatief vas te vang en uit te beeld deur ander oë ... en ook vir 'n goeie doel!

Elke skets wat in die tydperk geskep word, sal deel word van die groter versameling. In Oktober word hierdie versameling by die ark uitgestal. Kontemporêre en alle werke sal teen slegs R100 per skets te koop wees. Alle opbrengste gaan aan die Tshepo Generation Soup Kitchen, wat kos aan behoeftige kinders verskaf. 

So hoe neem jy deel? Maak ’n skets van iets/enigiets wat jy in Rosendal sien of van hou – 'n landskap, 'n dier, 'n blom.  Jy kan op jou eie A5-grootte papier teken en dit voor Oktober by die galery of enige deelnemende restaurant aflaai.

Alternatiewelik kan jy by een (of meer) van hul sosiale tekeningbyeenkomste aansluit waar almal hul werk in 'n prettige en ontspanne omgewing sal skep. Ons sal die papier (R10 per A5-vel) en ander materiaal (gratis) verskaf.

Die datums en lokale is:

20 Mei - Yolla's restaurant en kroeg

15 Junie - Die Diensstasie Wynkroeg

26 Junie - Rosendal Backpackers

Die werke sal later die jaar tydens ‘n reuse-uitstalling by die ark.Contemporary op Rosendal uitgestal word waar die werke dan te koop sal wees.

Rosendal is baie opgewonde om te sien dat hierdie inisiatief Rosendal op 'n prettige en kreatiewe manier lewendig maak.

Maak dus jou potlode skerp, laat die kreatiewe sappe vloei en skep saam.

Vir meer inligting kontak: Beverley Daguisé by die ark.Contemporary via epos arkcontemporary@gmail.com of by 079 587 6282.