Arts
NWU Konservatorium: Konsertreeks vereer Hugo Wolf, Eduard Mörike in Potch─── 09:00 Tue, 24 Jun 2025
Opknappings by die NWU Konservatorium in Potchefstroom is aan die gang. Dus word die res van die jaar se konsertreekse in Potchefstroom by die NG Kerk Vyfhoek aangebied.
Jana Mathee sluit by Yolanda Maartens aan in die OFM Kunsteklop om te gesels oor dié besonderse produksie en ook die feit dat die storie deur Piet Koornhof op die verhoog vertel word.
Hierdie liedere, wat op die poësie van Eduard Mörike getoonset is, word wyd beskou as die hoogtepunt van die kunsliedrepertorium. Die werke wat in hierdie konsert te sien is, is deurdag en tematies gegroepeer rondom gekose temas.
’n Verhalende teks is geskep wat ’n fiktiewe, maar feit-gebaseerde reeks memoirs is waarin Hugo Wolf persoonlike refleksies met die digter Eduard Mörike deel, wat bykomende konteks aan die uitvoering bied. Hierdie vertelling bied ook die gehoor die geleentheid om die biografiese besonderhede van beide die digter en die komponis te verken.
Dolf Mathee (bariton), wat ook die verhalende teks geskryf het, sal hierdie meesterstukke saam met sy lewens- en verhoogmaat, Jana Mathee (klavier), uitvoer. Hulle sal deur Piet Koornhof as die verteller vergesel word. Die vertoning vind plaas by NG Kerk Vyfhoek om 18:30 op die 29ste Julie en kaartjies is by Quicket beskikbaar.
OFM Nuus cg
