Arts
St. Paulus Evangelies-Lutherse Kerk in Bloem vier 150 jaar met oesfeeskonsert─── 09:00 Thu, 18 Sep 2025
As deel van hul 150ste vieringe vanjaar, hou die St. Paulus Evangelies-Lutherse Kerk in Dan Pienaar, Bloemfontein, ’n Middeleeuse Oesfeeskonsert.
Diandra Steenekamp van die Secret Artists Club gesels in die OFM Kunsteklop met Yolanda Maartens oor wat beplan word vir die aand van 27 September. Dit sal vokale en instrumentale musiek, dans en kookkuns uit die Middeleeue insluit.
Die optredes sluit kunstenaars soos Adri-Maryke van Heerden, Maretha Krige, Dr Petrus Krige, Ilané van Wyk, Diandra Steenekamp, en Donoven Havenga in.
Die geleentheid begin met gewyde musiek in die kerk. Gedurende die pouse sal ’n Middeleeus-geïnspireerde oestafel met ’n verskeidenheid smere, varsgebakte brode, gebak, koue vleis, kase en vrugte aangebied word.
Die tweede helfte van die konsert sal gekenmerk word deur meer sekulêre musiek, dans en ’n feestelike atmosfeer buite in die binnehof.
OFM cvs
