OFM-nuus se Blaine Jones en Lucky Nkuyane berig dat Maasdorp, wat saam met haar man in 'n enkelvertrek woon, sê sy is sedert 1997 blind en sy het die grootste deel van haar volwasse lewe gesukkel om te oorleef onder, wat sy beskryf as onmenslike omstandighede.

Maasdorp sê sy en haar man woon al amper 30 jaar lank in die omstandighede met geen behoorlike toilet, geen waterkraan en geen elektrisiteit nie. Niemand, insluitend die plaaslike regering, het al probeer om haar te help nie, ondanks 'n paar pogings om hulp te kry. Maasdorp voeg by sy is bedlêend en sê haar lewensomstandighede word elke dag erger. Sy is een van baie inwoners in die area wat swaarkry en dit moeilik vind om onder dié toestande te leef wanneer daar geen dienslewering bestaan nie.

OFM-nuus het vroeër berig oor nog 'n inwoner van dieselfde area, Gloria Brant, wat sê sy leef al vir meer as 20 jaar sonder elektrisiteit.

LEES MEER: NK-inwoners vir jare sonder elektrisiteit - VIDEO

OFM-nuus/Blaine Jones en Lucky Nkuyane