Dit is Woensdag tydens IPID se jaarlikse begrotingsverslag aan die parlementêr verkose komitee oor veiligheid en geregtigheid in Kaapstad bevestig.

Die polisiewaghond sê in die verslag van die 327 klagtes wat hulle ondersoek, hou sewe verband met sterftes in polisie-aanhouding, 31 met die misbruik van vuurwapens en 6 met klagtes van verkragting – waarvan een na bewering in polisie-aanhouding plaasgevind het.

LEES OOK: IPID probes NW police officials

262 aanklagte van aanranding, twee van korrupsie en ses van misdade waarby polisiebeamptes betrokke is, word ook ondersoek, insluitend drie sake waar OPOD-wetgewing glo nie nagekom is nie.

In die Vrystaat is daar 567 klagtes en in Noordwes is daar 333 klagtes wat ondersoek word.

George Michalakis, DA Vrystaatse LP, wat ook 'n lid van die Nasionale Raad van Provinsies is, het 'n beroep op Bheki Cele, minister van polisie, gedoen om die wangedrag van polisielede te erken en om doeltreffend op te tree teen kriminele elemente binne die polisie.

Hy sê as die regering ernstig is om van vrot appels in die polisie ontslae te raak, moet hulle IPID behoorlik finansier en hulpbronne verskaf om alle bewerings behoorlik te ondersoek.

OFM-nuus/Roderick Titus