Central SA
Zastron-gemeenskap se krane steeds droog─── HEIDRÈ MALGAS 15:17 Tue, 28 Jun 2022
Die Zastron-gemeenskap is ná amper drie weke steeds sonder water met watertoevoer wat nog nie herstel is nie, het AfriForum se distrikskoördineerder vir Bloemfontein, Christo Groenewald, gesê.
Volgens Groenewald sal AfriForum voortgaan om die gemeenskap met water te help. “Intussen moedig ons die gemeenskap aan, veral diegene met boorgate, om betrokke te raak en lede van die gemeenskap van skoon, drinkbare water te voorsien,” het Groenewald gesê.
LEES OOK: Zastron-gemeenskap byna twee weke sonder water
OFM-nuus het vroeër berig dat die gemeenskap sonder water sit nadat ’n waterpomp opgepak het en gevolglik watertoevoer na dié dorp onderbreek het.
“Tot nou toe het die munisipale distriksmunisipaliteit nog geen korrespondensie gestuur ná die skrywe wat aan hulle gegee is deur AfriForum nie, en daarom sal ons verder met ons regspan deur hierdie saak gaan,” het hy bygevoeg.
