’n Man van Bloemfontein wat jare lank gelyktydig salarisse van twee werkgewers ontvang het, moet weer einde Julie in die hof wees.

Paseka Ishmael Choeu (46) se saak is tot 29 Julie uitgestel wanneer dit voorgesit sal word in die Bloemfonteinse handelmisdaadhof.

Die verdagte het in Januarie 2017 as ’n dosent by Bloemfontein se Gemeenskapsonderwys-en-opleidingskollege vir die Departement van Hoër Onderwys en Opleiding gewerk en in 2019 is hy ook aangestel as ’n Finansiële Bestuurder by die Mangaung-metro.

“Daar is voorts berig dat die verdagte besig was om in die diensregisters by albei kantore te teken en dieselfde tyd aan te meld,” sê Christopher Singo, Vrystaatse polisiewoordvoerder.

LEES OOK – Free State Health suspends four for hiring ghost workers

“Choeu het homself Donderdag (20/6) aan die Valke se ondersoekbeampte oorgegee om in hegtenis geneem te word en om sy eerste verskyning in die Bloemfonteinse landdroshof te maak, waar hy borgtog van R5 000 opgelê is en die saak na die Gespesialiseerde Handelsmisdaadhof verwys en uitgestel is.”

Die beskuldigde het glo sewe jaar lank twee salarisse ontvang voordat sy gewete hom ingehaal het.

“Dit is diefstal van openbare geld en dus ’n ernstige misdaad. Diegene wat sulke misdade pleeg deur óf spookwerknemers te wees óf bedrieglike indiensneming te fasiliteer, sal die volle mag van die wet in die gesig staar,” sê genl.maj. Mokgadi Bokaba, Vrystaatse Valke-hoof. Hy waarsku enigiemand wat ’n soortgelyke misdaad oorweeg, sal aan die man gebring word.

Mense word aangemoedig om enige geld wat van ’n vorige werkgewer ontvang is, aan te meld om aan hulle teruggestuur te word.

OFM Nuus cg