’n Ongeluk op Upington se De Duine-stortingsterrein het ’n mens se lewe geëis.

“Hoe en wat gebeur het, word nog ondersoek; daarom kan die munisipaliteit nog nie die oorledene se identiteit bekend maak nie,” sê Patrick Williams, Dawid Kruiper-woordvoerder.

Hy sê mense het voorheen gevaarlike voorvalle aangemeld. “Daar was geweld onder mense wat vullis herwin het en dan ontstaan daar konflik tussen hulle, maar ons spreek dit aan deur (Dawid Kruiper se) wetstoepassingseenheid en die polisie,” sê hy.

Dawid Kruiper tref veiligheidsmaatreëls by die stortingsterrein. “Daar is 24-uur-toegangsbeheer deur sekuriteits- en wetstoepassingsbeamptes wat daagliks die beheer van voertuie in en uit die stortingsterrein monitor,” voeg Williams by.

“Die munisipaliteit sal verdere maatreëls instel om te voorkom dat iets soortgelyks weer gebeur. Dit sal ingesluit wees deur die nodige versterking van sekuriteit en wetstoepassing, en indien nodig, die aanstelling van beamptes op die stortingsterrein.”

Die stortingsterrein was in Junie vanjaar ook in die nuus om die verkeerde redes. OFM Nuus het berig kisdeksels en as, wat beendere bevat, is op die terrein opgemerk nadat daar ’n klag by die luggehaltebestuurseenheid op die dorp ingedien is.

‘Die afval is in swart plastieksakke gegooi’

Die mede-eienaar van Upington Krematorium, Louis Kotze, van die Upington-krematorium het erken die afval wat op die stortingsterrein gestort is, kom van die krematorium af. Hy het nie gespesifiseer of die afval algemeen of gevaarlik was nie.

Die Noord-Kaapse departement van landbou, omgewingsake, landelike ontwikkeling en grondhervorming het inspeksies op die De Duine-stortingsterrein gedoen en gestorte kisbedekkings en as ontdek wat verbrande bene bevat het,” sê Bongani Silingile, departementele woordvoerder.

“Die afval is in swart plastieksakke gegooi en die meeste van die swart vullissakke is geskeur en met ander afval gemeng.

‘Krematorium-eienaar ontken storting van enige menslike oorskot’

“Die departement het Upington-krematorium … aangeraai om hul afval te assesseer met ’n laboratorium wat deur die Suid-Afrikaanse Nasionale Akkreditasiestelsel geakkrediteer is ingevolge die Wet op Nasionale Omgewingsbestuursafval,” het hy gesê.

Louis Kotze, mede-eienaar van die krematorium, ontken dat hulle enige menslike oorskot op die stortingsterrein gestort het.

OFM Nuus/Heidre Malgas cg