Heidedal-inwoners vat hande teen dwelmmisbruik
MARK STEENBOK
14:36 (GMT+2) Mon, 20 Mar 2017
Heidedal-inwoners vat hande teen dwelmmisbruik | News Article
Bloemfontein - Duisende inwoners van Heidedal in Bloemfontein sal môre saamtrek om hulle stemme dik te maak teen dwelmmisbruik in die buurt.


Volgens die organiseerder en een van die stigterslede van die Heidedal Local Drug Action Committee, Gregory Werner, wil hulle deur die betoging die soeklig op verskillende kwessies in die buurt werp. 

Die voormalige Vrystaatse LUR van Polisie, Butana Komphela, het Heidedal eens as een van die grootste dwelmneste in die stad beskryf, dus sê Werner wil hulle die platvorm gebruik om die boodskap op ‘n positiewe en vreedsame manier uit te stuur.

Werner sê die program begin reeds om 09:00 vanaf die Engen Garage en die Clive Solomon-stadion in Heidedal.

“Wat ons opgetel het, is dat die kinders wat dwelms misbruik al hoe jonger word. ‘n Vrou het byvoorbeeld vir my vertel dat haar seun selfmoord gepleeg het en sy het al die pad gebid dat daar een dag iets oor dwelmmisbruik gedoen word. Die terugvoer wat ons van die gemeenskap kry is fenomenaal. Die tema vir die dag gaan eenheid teen dwelmmisbruik wees,” sê Werner.

OFM-nuus


Related Articles:

Cookies help us deliver our services. By using our site, you agree to our use of cookies. Tell me more