AfriForum se veiligheidskoördineerder, Marius Müller sê drie mans het glo die boer oorval nadat hy by sy hek op die plaas gestop het. Hy sê ‘n geveg het toe uitgebreek waarna die boer in sy arm gewond is. Hulle het later te voet ontsnap en dit is nog onbekend of enige items tydens die aanval gesteel is. Müller sê die boer het gister nog in ‘n plaaslike hospitaal aangesterk.

Die aanval volg kort nadat ’n 46-jarige man by die Habernia-plaas naby Lichtenburg deur drie onbekende mans ten aanskoue van sy ma in die kop geskiet is. Die polisie ondersoek die jongste voorval.

“Die boer het glo van ‘n kroeg af teruggekeer toe hy oorval is. Die tyd van die aanval is in hierdie stadium nog onbekend. Die boer het gelukkig geen ernstige beserings opgedoen nie. Gister was hy nog in die hospitaal, so in hierdie stadium gaan dit goed met hom.

Hy het ook gaste gehad wat op sy perseel gebly het, hulle kon darem wegkom en uit die spervuur bly,” sê Müller.

OFM-nuus