Local News
Onderhandelinge gaan volgende week voort ná NK-mynstaking─── MARK STEENBOK 09:06 Sat, 23 Sep 2017
Kimberley - Produksie by die Petra Diamantmyn in die Noord-Kaap gaan voort op ‘n onbeperkte skaal nadat honderde werkers sedert verlede week oor salariskwessies staak.
Dit is volgens die woordvoerder vir Petra, Gert Klopper. Hy sê onderhandelinge met die Nasionale Unie van Mynwerkers (NUM) sal na verwagting eers volgende Woensdag voortgesit word.
Dit kom nadat meer as 150 werkers verlede Vrydag by die Ekapa Joint Venture myn in Kimberley ondergronds begin staak het om ‘n salarisverhoging te eis.
‘n Amptelike staking het egter eers Maandag begin.
Klopper het bevestig dat mynwerkers van die Finsch myn in Koffiefontein en LimeAcres ook intussen begin staak het.
OFM-nuus