National
Bredasdorp verdagtes verskyn vandag─── 09:29 Tue, 12 Feb 2013
Bredasdorp - Twee mans wat van die moord op en verkragting van Bredasdorp tiener Anene Booysen verdink word sal vandag in die Bredasdorp Landdroshof verskyn. Die 21-jarige Johannes Kana, het gister vlugtig in die hof verskyn en sy gesig met 'n handdoek bedek toe hy in die klein hofsaal in gelei is. Kameramanne en fotograwe het gespook om 'n foto van die maer man met tatoeëermerke op albei sy arms te kry. Die hof het Kana se saak by dié van die eerste verdagte, die 22-jarige Jonathan Davids gevoeg. Hulle sal vandag saam in die hof verskyn sodat hulle saam aangekla kan word. Davids het reeds verlede week in die hof verskyn. Hy is kort na die moord aangekeer nadat Anene kort voor haar dood 'n verdagte geïdentifiseer het. Aanklagte teen 'n derde verdagte is die naweek laat vaar en hy is vrygelaat.
Sapa*
Sapa*
