Woordvoerder, Khaye Nkwanyana, sê die departement hoop dat die 17 spanne wat werksaam is in dié gebied die getal vandeesweek na 10 000 beeste, wat al ingeënt is, kan vermeerder. Nkwanyana sê volledige terugvoer oor die nuutste rondom die uitbreking word Woensdag verwag, maar sover het 50 beeste al positief vir dié virrussiekte getoets. Hy beklemtoon dat diere in die siektebeheergebied moet bly, en geen verskuiwing van diere met gesplete hoewe mag plaasvind nie. Geen diere mag na, in of uit dié gebied verskuif word nie.

EN

'n Klein persentasie van Suid-Afrikaanse bees- en skaapvleis wat uitgevoer word na ander lande gaan nou deur die plaaslike mark opgeneem word. Dit kom nadat die Wêreldorganisasie vir Dieregesondheid, oftewel die OIE, Suid-Afrika van sy bek-en-klouseervrye status gestroop het as deel van 'n normale prosedure wanneer diere in 'n land positief vir die virusstiekte toets. Dit beteken vleisuitvoer is tydelik gestaak. Die Rooivleisprodusente-organisasie (RPO) se voorsitter, Koos van der Ryst, sê dit kom daarop neer dat rooivleis wat vir die uitvoermark bestem was nou plaaslike verbruik moet word - wat daartoe kan lei dat die verbruikersprys sywaarts of selfs afwaarts kan beweeg.

OFM-nuus