Danie Jacobs, voorsitter van Agri Noord-Kaap se komitee vir omgewingsake, sê dit is 'n sporadiese sprinkaanplaag wat uitgebreek het op enkele plase waar dit gereën het. Hy sê die plaas in die Richmond-gebied waar 'n uitbreking was het baie reën die seisoen gehad.   Jacobs sê die plaag is in 'n opbouende fase, wat daarop neerkom dat indien boere en ander betrokkenes dit beheer en chemiese middels toe dien, kan die uitbreking onder bedwang gehou word in die gebiede waar dit uitgebreek het. Jacobs sê die moontlikheid dat sprinkane uitbroei in ander droogtegebiede in die Noord-Kaap is skraal. Hy sê daar is ook nie welige gras vir sprinkane in droogtegebiede om aan te wei nie.

EN

Intussen word 'n belowende verwagte kommersiële graanoes dié seisoen verwag, maar daar is steeds risiko's vir produsente voordat dié oes gelewer kan word. Goeie opvolgreën is nou noodsaaklik vir produsente in dié  somergraanproduksiegebiede, maar dit hou risiko's in. Dit is volgens dr. Dirk Strydom, 'n senior landbou-ekonoom en bestuurder van graanekonomie en bemarking by Graan SA (GSA), wat meen graadprobleme in onder meer mielies kan voorkom nader aan oestyd wanneer dit reën. Hy sê nat toestande word altyd deur boere verwelkom, maar daar is risiko's soos onder meer die voorkoms van onkruid en peste en plae.

OFM-nuus