Jan Lotz,  bemarker en insamelaar van geld vir dié nie-winsgewende maatskappy in die Vrystaat, sê altesaam 61 gesinne in Bloemfontein gaan eerskomende Saterdag kospakkies ontvang. Hy sê dié gesinne is in die Bloemspruit- en Hilton-gebied in Bloemfontein. Al die kos wat uitgedeel gaan word, is deur middel van skenkings van weldoeners beskikbaar gestel. Boere Droogtehulp SA gaan egter voort met die verspreiding van veevoer en kos, asook ander noodsaaklikhede, aan landbou-gemeenskappe in die droogtegeteisterde Noord- en Oos-Kaap. Dié maatskappy het tydens die aanvang van die nasionale grendelstaat op 'n volgehoue grondslag, slegs op 'n kleiner skaal, veevoer in dié gebiede versprei.

EN

Daarmee saam moedig OFM luisteraars aan ombetrokke te raak by die onderskeie droogtehulpprojekte, wat ten doel het om landbougemeenskappe te ondersteun. OFM het 'n webblad geskep waarop luisteraars inligting oor die droogtesituasie in die sentrale binneland en in ander provinsies kan verkry en skenkings kan doen. Skakels van organisasies, soos Boere Droogtehulp SA en Agri SA, asook Agri Noord-Kaap, is op hierdie OFM-blad beskikbaar. Gaan na ofm.co.za, kliek op die Agri Aid-banier op die tuisblad om toegang te verkry.

OFM-nuus