Landbounuus-podcast: NK Boere hoop vir reën
CHRISTAL-LIZE MULLER
12:31 Fri, 03 Jul 2020
Landbounuus-podcast: NK Boere hoop vir reën | News Article
Boere in droogtegeteisterde winterreënvalgebiede in die Noord-Kaap hou steeds asem op vir goeie neerslae.


Dit kom na die voorspelde koue front van die afgelope naweek nie veel in terme van reën opgelewer  het nie. Dit het wel gesneeu, wat 'n welkome sig vir boere is, maar reën word steeds dringend benodig. Nicol Jansen, president van Agri Noord-Kaap, sê dié voorspelde koue front het die afgelope naweek diep in die binneland inbeweeg en sneeuneerslae het welkome grondvog verskskaf. Hy sê sodra sneeu smelt is daar 'n moontlikheid dat dié waterstroom in 'n dam of rivier kan invloei, maar dit is wydverspreide reën wat die wa deur die drif gaan trek.


EN


Daarmee saam sê 'n voorspeller van die Bloemfonteinse weerkantoor,  Quinton Jacobs,  daar is 'n greintjie hoop op 'n kouefront wat volgende Vrydag deur die Noord-Kaap beweeg. Dit kan broodnodige reën vir die westelike en suidelike winterreënvalgebiede in dié provinsie bring. Hy sê die res van die sentrale binneland kan volgende week normale winterstoestande, verwag. Kouer weer word soggens verwag met warmer sonnige toestande smiddae. Makismum dagtemperature kan wissel tussen 18 grade Celsius en 25 grade Celsius. In die noordwestelike hoek van die Noord-Kaap in gebiede by Augrabies, kan die kwik tot 'n minimum dagtemperatuur van 27 grade Celsius styg.  



OFM-nuus


Related Articles:


  Visit the official Covid-19 Portal  More Information
Visit the official Covid-19 Portal
Cookies help us deliver our services. By using our site, you agree to our use of cookies. Tell me more