Dit kom nadat daar 'n toename in voorvalle in veral die Vrystaat en die Oos-Kaap was. Tommie Esterhuyse, voorsiter van Agri SA se Sentrum van Uitnemendheid, sê 'n komitee is saamgestel en dié werkgroep  bestaan uit lede van die polisie en ander betrokkenes. Esterhuyse sê Agri SA dien ook op die komitee en daar word nou saam met die polisie in dié verband gewerk. Hy sê booswigte gebruik honde om wilde diere soos hasies en klein bokkies te jag, terwyl wedywering plaasvind. Daarmee saam sê Esterhuyse die instelling van die hersiende landelike beveiligingstrategie deur die polisie vorder ook met ses spesiale ondersoekeenhede wat gevorm is om misdrywe in probleemgebiede te ondersoek. Die daarstel van 'n meer boere-vriendelike reservistestelsel word nou ook ondersoek.

EN

Die uitvoer van lewendige diere na oorsese lande het tot groot omstredenheid gelei en dit bly ‘n sensitiewe saak. Dit is volgens Dr Frikkie Maré van die Universiteit van die Vrystaat, wat sy mening gee oor die uitvoer van rooivleis en hoe die mark gestimuleer kan word. Hy sê diereregte-organisasies het die uitvoer van lewendige diere veroordeel en die uitvoermarkte bly sensitief. Die konsep van nasporing, van plaas tot eindverbruiker, bly belangrik. Maré sê hoe diere hanteer word, gaan bepalend wees vir die sukses vorentoe.

OFM-nuus