Landbounuus-podcast: Organisasies ruk op na #Senekal
CHRISTAL-LIZE MULLER
12:06 Fri, 16 Oct 2020
Landbounuus-podcast: Organisasies ruk op na #Senekal | News Article
Foto: verskaf
Senekal is 'n miernes van bedrywigheide, met verskeie belangegroepe en organisasies wat op verskillende punte in dié Vrystaatse dorp byeen is.


'n Groot groep belanghebbendes, waaronder boere, is by die Afriforum-punt by die landdroshof byeen. Francois Rossouw, die uitvoerende hoof van die netwerk vir familieboere, Saai, sê verrigtinge by dié punt verloop vreedsaam. Rossouw sê Saai se boodskap is duidelik, en boere is kwaad. Twee aangeklaagdes verskyn in die plaaslike landdroshof en sal na verwagting aansoek doen om borgtog in verband met die grusame moord op Brendin Horner op 'n plaas waar hy gewerk het in die Paul Roux-distrik.

EN

Intussen heers daar spanning in landbougeledere en Agri SA verstaan die emosies ten opsigte van kriminaliteit in die land. Dié organisasie se president, Pierre Vercueil, sê mense se reg tot protesaksie is 'n basiese reg in die land, maar daar moet egter kennis geneem word van die versoek van Vrystaat Landbou (VL) en die Senekal-landbouvereniging se oproep tot kalmte. Vercueil se boodskap is in die lig van mense van oor die land heen, en boere wat vandag byeen is in Senekal by die borgaansoek van die twee verdagtes, wat aangekla word vir die moord op die jong Brendin Horner.



OFM-nuus


Related Articles:


  Visit the official Covid-19 Portal  More Information
Visit the official Covid-19 Portal
Cookies help us deliver our services. By using our site, you agree to our use of cookies. Tell me more