Volgens senior landbou-ekonoom, dr. Johnny van der Merwe van die Noordwes Universiteit, het die gemiddelde prys vir varkvleis verlede week gedaal met meer as 3% na R26,89, terwyl spekvark- en vleisvarkpryse na onderskeidelik R26,83 en R27,58 gedaal het. Wat graanpryse betref, sê Van der Merwe, is daar ‘n opwaartse neiging.

Daarmee saam benodig Suid-Afrika minstens 'n gemiddelde nasionale opbrengs van 4,60 ton per hektaar om 'n mielie-oes van 12,01 miljoen ton in die huidige oppervlakte-aanplanting te kan voorsien, indien die land voldoende mielievoorrade vir binnelandse verbruik wil verskaf. Wandile Sihlobo, hoof-ekonoom by die Landbousakekamer, Agbiz, sê hierdie opbrengsskatting is moontlik aangesien vloede wat skade veroorsaak het, nie 'n landwye uitdaging was nie. Hy sê dit sal 'n maand duur voordat die amptelike eerste produksieskattings van die Oesskattingskomitee vrygestel word.

EN

Die potensiaal van turksvye is feitlik eindeloos - tot olie kan uit sy pitte gepars word wat vir die behandeling van brandwonde gebruik kan word. Dr Stoffel du Toit, eienaar van die plaas Smousdam, waar ‘n turksvyoes-inligtingsdag verlede Vrydag plaasvind het, sê verder omdat Suid-Afrika ‘n land is wat van tyd tot tyd droogte ervaar, kan turksvyblare in veevoer omskep word vir beeste en skape in tye van skaarste. Du Toit deel verder dat hulle ‘n klompie boere is wat betrokke geraak het by die groei van turksvye en dat daar verkillende rigtings is wat hierdie boere besig is om die turksvye te ontwikkel.





OFM-nuus