Mielies:

Die Amerikaanse mieliemark het laer verhandel in die vorige sessie aangesien pryse gedaal het weens moontlike verbeterde weervoorspellings vir die komende week. Die Weeklikse EIA-etanolverslag het aangedui dat etanolproduksie tot bo die een miljoen vate per week merk herstel het.

Brasilië se mielie-uitvoer was 125% hoër as 'n jaar gelede. Yara International het kennis geneem van die moontlikheid van laer produksie van stikstofgebaseerde kunsmis as gevolg van stygende aardgaspryse. Kwartaallikse verkope aan Europa en die Amerikas is 22% laer en verkope aan Asië is 18% laer.

Plaaslik: Dit was weer eens ‘n rooi dag op die plaaslike mark met wit- én geelmielies wat bietjie pakslae gekry het. Witmielies het tot en met 0,4% laer verhandel en geelmielies tot en met 1,7%.

Die witmieliekontrak het vir Julie R48/ton goedkoper verhandel vir die dag om teen R4 294/ton te sluit. Witmielies vir lewering in September het R48/ton laer verhandel teen R4 273/ton.

Die geelmieliekontrak vir Julie 2022 het R70/ton swakker verhandel teen R4 146/ton. Die geelmieliekontrak het vir lewering in September teen R4 215/ton verhandel.

Sojabone:

Die Amerikaanse sojaboonmark het aansienlike verliese in die vorige sessie gehad ná 'n rondte tegniese aankope aangespoor deur verbeterde weervoorspellings.

Sojaboonuitvoervraag is op die laagste punt in 19 jaar, maar China is steeds 'n invoerder. Brasiliaanse sojaboonuitvoere vir Julie is 9% laer as in Julie 2021, wat aandui dat laer sojaboonvraag internasionaal is.

Plaaslik: Die plaaslike sojaboonmark het in mielies se spore gevolg met ‘n rowwe dag op die mark. Pryse het tot en met 2,25% verloor. Pryse is afwaarts gedwing deur ‘n swak Amerikaanse mark.

Die sojaboon Julie ’22-kontrak het R36/ton swakker verhandel teen R8 080/ton. Die sojaboon September ’22-kontrak het R30/ton laer verhandel teen R8 180/ton. Die sojaboon Desember ’22-kontrak het teen R8 344/ton, R25/ton swakker, verhandel.

Koring:

Die Amerikaanse koringmarkpryse het 'n baie wisselvallige verhandelingsessie gehad met baie fluktuasie tussen die hoogste pryse waarteen die kontrakte verhandel het en die vereffeningsprys aan die einde van die dag.

Reën en koeler temperature in Rusland het pryse laer gedruk. Egipte bly 'n konstante koper in die koringmark. Rusland beplan om in Augustus een miljoen ton koring vir sy reserwes te begin koop. Russiese opbrengste is tans 4,32t/ha, 25% hoër as die vorige jaar. Amerikaanse koringuitvoer is op baie hoë vlakke, 50% bo die seisoenale gemiddeld.

Plaaslik: Die plaaslike koringmark het beter presteer as mielies en sojabone met kontrakte wat marginale winste getoon het.

Die koring Julie '22-kontrak het teen R7 450/ton verhandel, R24/ton sterker. Die koring September ’22-kontrak het teen R7 420/ton verhandel.

OFM-nuus