Mielies:

Die Amerikaanse mieliemarkpryse het in die vorige sessie gemiddeld 1%-1,5% hoër beweeg na 'n rondte tegniese aankope, wat nodige verligting gebring het na 'n moeilike week. Brasiliaanse mielie-uitvoer het op 'n jaargrondslag met 74% gestyg.

FranceAgriMer het sy mielie-oesgradering selfs verder verlaag tot 45% van die oes in goed-tot-uitstekende toestand vergeleke met die vorige jaar se 91%. Die stoop tydperk het begin met 1% voltooi op Maandag.

Plaaslik: Mieliepryse het min wisselvalligheid getoon en gemeng gesluit in Maandag se verhandelingsessie, moontlik weens die Amerikaanse mark wat gesluit is, met pryse wat tussen R11 afgeneem het en met R30 toegeneem het.

Die witmieliekontrak het vir September R29/ton sterker verhandel vir die dag om teen R4 649/ton te sluit. Witmielies vir lewering in Desember het R31/ton sterker verhandel teen R4 750/ton.

Die geelmieliekontrak vir September 2022 het R7/ton sterker verhandel teen R4 592/ton. Die geelmieliekontrak vir lewering in Desember het teen R4 712/ton verhandel, R13/ton sterker,

Sojabone:

Die Amerikaanse sojaboonmarkpryse het positiewe sentiment in die vorige sessie getoon met pryse wat gemiddeld met 1,75%-3% gestyg het ná 'n rondte tegniese aankope. Geraffineerde sojaboonolie-produksie het teen Junie met 2% toegeneem.

Brasiliaanse sojaboonuitvoere is 5% laer as Augustus 2021. China beplan nog 'n sojaboonveiling van sojabone in staatsbesit om plaaslike voorrade aan te vul, en druk op hoë plaaslike pryse te plaas. Oekraïne se sojaboonoes het begin, maar met laer oppervlaktes aangeplant in vergelyking met die vorige seisoen, sal produksie beslis skade ly.

Plaaslik: Die plaaslike sojaboonmark het positiewe marksentiment getoon vir die huidige seisoen, maar pryse in Mei 2023 is onder druk weens ‘n groot verwagte oes in Suid Amerika.

Die sojaboon September ’22-kontrak het R112/ton sterker verhandel teen R9 130/ton. Die sojaboon Desember ’22-kontrak het R111/ton sterker verhandel teen R9 335/ton. Die sojaboon Mei ’23-kontrak het teen R8 520/ton, R80/ton laer, verhandel.

Koring:

Die Amerikaanse koringmarkpryse het mielies en sojabone hoër gevolg ná 'n rondte tegniese aankope, ook ondersteun deur hoër energiepryse. Rusland is bereid om 30 miljoen ton graan in die tweede helfte van 2022 uit te voer om sukkelende lande te ondersteun.

Resessie-vrese plaas steeds druk op pryse. Lande wat deur vloede getref is wat oeste verwoes het, het reeds met koringproduseerende lande, insluitend Rusland, begin onderhandel om tekorte wat weens lae produksie sal spruit, hok te slaan.

Plaaslik: Die plaaslike koringmark het ook min wisselvaliigheid getoon met pryse wat baie marginale winste getoon het.

Die koring September '22-kontrak het teen R6 871/ton verhandel, R8/ton hoër. Die koring Desember ’22-kontrak het teen R6 882/ton verhandel, R6/ton laer.

OFM-nuus