Agriculture
Wolmark presteer goed te midde van uitdagings─── 05:30 Fri, 14 Oct 2022
Vandeesweek se wolveiling het goed presteer ten spyte van ‘n uitdagende logistieke en handelsomgewing weens die Transnet-staking.
Byna 95% van die 6 671 bale is gedurende die veiling verkoop.
Sien onderstaande PODCAST
Senior wolbemarker by OVK, Heinrich Victor, sê die Cape Wools Merino-aanwyser het met 2,9% vir nie-RWS en 3,7% vir RWS wol gedaal teenoor die vorige veiling, en teen 'n skoonprys van R160,87/kg en R172,00/kg, onderskeidelik gesluit.
“Op die OVK-veiling is 2 001 bale aangebied, waarvan 98,3% verkoop is.
“Die hoogste prys op die OVK-veiling van R195,90/kg, is behaal vir ‘n 1 baal lot BBH van 17.1 mikron, uit die skeersel van RN Lucas, vanuit die Tarkastad-distrik.
“Die koper was Standard Wool SA,” deel Victor.
Skakel gerus met OVK om u by te staan in die RWS-sertifiseringsproses.
