Volgens die jongste oesskattings wat deur Graan SA vrygestel is, word berig dat sojaboonproduksie vir die 2022/23-produksiejaar met tot 2 172 100 ton toegeneem het. Uitvoervoorspelling is ook verhoog tot 150 000 ton, wat die mark met 'n surplus eindvoorraad van ongeveer 350 000 ton laat.

LEES OOK: Rywydtes, plantdigtheid en plantdatums van sojabone

“Sojaboonproduksie in Suid Afrika is baie positief. Ons het die afgelope jare ongelooflike groei in produksie in Suid-Afrika gesien en ook groei in die verwerking van sojabone. En, vir die komende seisoen beplan produsente om selfs 16% meer hektare sojabone aan te plant,” sê 'n landbou-ekonoom by Graan SA, Corné Louw.

Volgens Louw is die toename in produksie te wyte aan die winsgewendheid van sojabone wat aangedryf is deur die verhoogde verwerkingskapasiteit in Suid-Afrika, en ook deur 'n sterk toename in vraag na sojabone en proteïen op internasionale markte.

Die Rusland/Oekraïnse oorlog, sowel as die hittegolf wat oeste in die Noordelike Halfrond beskadig het, het tot die verhoogde vraag gelei. 

In September se Safex-nuus is daar berig dat die hittegolf oeste in so 'n mate beskadig het dat produksie die kleinste sedert 1990 vir Europa se voorste graanprodusent kan wees.

LEES OOK: Bekamp só stres by plante

Dit het per ongeluk opwaartse ondersteuning gebied op pryse wat in die Suid-Afrikaanse graanmark weerspieël is.

Louw merk dat sedert Suid-Afrika meer sojabone begin produseer het, dit gelei het tot die afname in invoer uit ander produserende lande soos Argentinië en Brasilië. Op sy beurt het dit 'n positiewe uitwerking op die ekonomie gehad.

OFM-nuus