Volgens die Verenigde State se Agentskap vir Internasionale Ontwikkeling (USAID) is dit die sleutel om ekonomiese groei aan te wakker en om voedselsekerheid te verbeter terwyl die armoedelas meetbaar verminder word.

Met meer as 70% van Suid-Afrika se landelike bevolking wat op landbou staatmaak vir lewensbestaan, is dit van kritieke belang dat die sektor volhoubaar bly en transformasiegeleenthede benut.

Die vraag is egter: Hoe kan die sektor hierdie doelwitte bereik, en hoe kan dit voortbou op transformasie en belegging om 'n meer veerkragtige bron van ekonomiese en sosiale groei te word?

USAID glo dat die benadering hierdie vyf sleutelpaaie moet volg:

• Toegang tot markte.
• Verbeterde produktiwiteit.
• Verhoogde private belegging.
• Bevorder die verbruik van voedsame kosse.
• Ontwikkeling van beleidstellings wat groei in die sektor ondersteun.

Dit is 'n siening wat deur die Verenigde Nasies gedeel is tydens die 32ste sitting van die Voedsel- en Landbou-organisasie se streekkonferensie vir Afrika, wat bevind het dat innoverende benaderings, tradisionele kennis, diversifikasie van gewasse en klimaatsveerkragtigheid stabiele beginsels is waarop boere in Afrika hul besighede kan skoei.

“Dit is noodsaaklik vir die hele landbouwaardeketting, van begin tot einde, om voortdurend daarop te fokus om hul landboubesighede te transformeer,” sê John Hudson, Nedbank se nasionale hoof van landbou.

“Dit beteken nie net om na verbeterde doeltreffendheid en produktiwiteitswinste te kyk nie, maar ook om die uitdagings, risiko's en geleenthede te identifiseer wat voorlê en hoe om dit die beste te hanteer. Die landboubydrae tot die ekonomie word dikwels onderskat, veral in 'n landelike konteks. Ons moet egter regtig op hierdie stewige grondslag bou met 'n fokus op inklusiewe groei en die verbetering van ons internasionaal mededingende aansien.”

Uit 'n onlangse verslag wat deur die Stellenbosch Bestuurskool in samewerking met onder meer die Landbousakekamer en Agri SA saamgestel is, is bevind dat landbouwaardekettings “noodsaaklik is vir die Suid-Afrikaanse ekonomie, nie net binne die konteks van voedselsekerheid nie, maar ook om ekonomiese groei en indiensneming te dryf”.

Dit beklemtoon die werklikheid dat vaardigheidsontwikkeling 'n prioriteit binne die sektor moet bly.

Hierdie ontwikkeling is egter nie beperk tot landbouvaardighede nie, maar sluit ook stelsels en die sagter vaardighede van kommunikasie, kliëntediens en spanwerk in.

Benewens indiensnemingsdiversiteit en -insluiting, strek transformasie ook in tegnologie-innovasie en -investering.

Tegnologie-investering en -integrasie moet in die sektor ingesluit word, wat verhoogde stabiliteit bring in 'n omgewing wat deur infrastruktuur-onstabiliteit ‘gebreek’ bly.

Soos wat 'n onlangse verslag beklemtoon wat deur die Verenigde State se Departement van Landbou vrygestel is, het die landbousektor in Suid-Afrika geweldige groei getoon met 'n positiewe tendens van rekorduitvoer en beleggings, maar dit word erg aan bande gelê deur beurtkrag. Aangesien dit vir die afsienbare toekoms ’n deurdringende uitdaging bly, moet die sektor na alternatiewe oplossings kyk vir kragopwekking om sy groei en potensiaal te behou.

“Om die verwagte verlangsaming van groei te oorkom wat deur die Buro vir Voedsel- en Landboubeleid vir die einde van 2022 en in 2023 voorspel is – 'n verlangsaming wat veroorsaak word deur veelvuldige faktore en toestande – moet die sektor nuwe maniere vind om die kompleksiteite wat groei beïnvloed, te bestuur,” sê Hudson.

“Daarbenewens moet finansiële instellings die ontwikkeling van nuwe beleggings- en finansiële instrumente prioritiseer wat aangepas is om aan die baie spesifieke vereistes binne die landbou te voldoen. Dus om verder as mooi praatjies en papierwerk te strek en sodoende entrepreneurs, maatskappye en ondernemings meetbaar te bemagtig om volhoubare fondamente in die sektor te bou.”

Nedbank is verbind tot die groei en transformasie van die landbousektor en het die volhoubare groei en ontwikkeling van die sektor aan die toppunt van sy agenda geplaas. Hierdie verbintenis strek tot werkskepping, 'n volhoubare ekonomie en volhoubare oplossings, sowel as in die ontwikkeling van pasgemaakte oplossings wat by hul vereistes en groeiverwagtinge pas.

Vir meer inligting oor Nedbank Commercial Banking, stuur 'n e-pos aan John Hudson by johnhudson@nedbank.co.za.