Mielies:

• Die CBOT-mieliekontrakprys vir die naaste handelsmaand het Dinsdag met 'n skamele 0,21% gedaal.
• Vandeesweek het Amerikaanse mieliekontrakte sywaarts verhandel. Pryse was effens hoër Dinsdagoggend aangesien weermodelle ietwat droër gelyk het vir Argentinië oor die volgende twee weke.
• Die plaaslike SAFEX-mieliekontrakte het Dinsdag met afwaartse tendense verhandel vir wit- en geelmieliekontrakte. Die witmieliemark het vir lewering in Januarie 2023 met R99/ton (-2,11%) gedaal en teen R4 585/ton gesluit. Die geelmieliemark het vir lewering in Januarie 2023 met R71/ton (-1,57%) laer verhandel om teen R4 468/ton te sluit.
• Kolmaand-witmieliekontrakte verhandel steeds bo geelmieliepryse.
• Beide wit- en geelmieliekontrakte verhandel in 'backwardation', waar die naby-maandpryse hoër is as toekomstige pryse.

Sojaboon:

• Die CBOT-sojaboonkontrakprys vir die naaste kontrakmaand het Dinsdag met 0,13% gestyg.
• Kommer oor die Argentynse oes wat deur die droogte benadeel word, versterk steeds sojaboonpryse, en die land se weer sal na verwagting steeds oor die algemeen droog wees. Prysveranderinge is egter taamlik gering. 
• Die grootste verrassingselement wat verband hou met die droogte in Argentinië is dalk reeds in berekening gebring. Dit kan meer 'n handelsverplasingsverhaal wees as 'n teken van 'n tekort aan sojabone, want Brasilië verwag 'n baie hoë sojaboonoes.
• Die binnelandse sojaboonkontrakte het Dinsdagoggend met skerp afwaartse tendense verhandel. 
• Die plaaslike sojaboonmark het vir lewering in Januarie 2023 met R230/ton (-2,23%) gedaal en teen R10 100/ton gesluit.

Koring:

• Die CBOT-koringkontrakprys vir die naaste handelsmaand het Dinsdag 0,27% laer verhandel.
• Europese koringpryse het 0,5% laer gedaal weens voortgesette mededinging van Swartsee-uitvoerders.
• Die binnelandse koringkontrakte het Dinsdag met afwaartse tendense verhandel. Die Januarie 2023 koringkontrak het met R80/ton (-1,20%) laer verhandel om uiteindelik te sluit op R6 597/ton.  
• Sedert verlede week het plaaslike koringpryse 'n mate van ondersteuning gevind. Die pryse het egter die afgelope dae oor die algemeen sywaarts verhandel.

Vir nog inligting oor die huidige kommoditeitsmark, besoek gerus Graan SA se webtuiste. 

OFM-nuus