Mielies:

• Die Amerikaanse mieliepryse het in Woensdag se sessie druk ervaar as gevolg van oorspoelswakheid vanaf sojabone en broodnodige reën in Argentinië. Suid-Amerika is steeds die hooffokus vir die mark.  
• Anec skat nou Brasilië se mielie-uitvoer vir Januarie op 5,2 miljoen ton wat 750 000 ton hoër is as in 2022. 
• Verskepings vir die tweede week van Januarie het verminder tot 1,6 miljoen ton wat ver bo die 911 000 ton is wat 'n jaar gelede uitgevoer is.
• Plaaslik: Die plaaslike mieliemarkpryse het gemeng maar meestal positief verhandel. Witmielies het meer na die negatief geneig terwyl geel mielies positief verhandel het.
• Die witmieliekontrak het vir Januarie ’23 R15/ton swakker verhandel vir die dag om teen R4 685/ton te sluit. Witmielies vir lewering in Julie '23 het R3/ton sterker verhandel teen R4 447/ton.
• Die geelmieliekontrak vir Januarie ’23 het verhandel teen R4 606/ton, R23/ton sterker. Die geelmieliekontrak het vir lewering in Julie ’23 het teen R4 510/ton verhandel, R7/ton sterker.

Sojabone:

• Die Amerikaanse sojaboonmarkpryse het laer geneig nadat Argentinië broodnodige reën gekry het en die weervoorspelling natter geword het. Anec raam Brasilië se sojaboonuitvoer vir Januarie op 2,2 miljoen ton, teenoor 1,7 miljoen ton wat voorheen geraam is. Sojaboonuitvoer is egter net 40% van die vorige seisoen se totaal.
• Plaaslik: Die plaaslike sojaboonmarkpryse het vatbaar negatief verhandel met die nader maande wat swakker presteer het.
• Die sojaboon Januarie ’23-kontrak het R147/ton swakker verhandel teen R10 100/ton. Die sojaboon Maart ’23-kontrak het R164/ton swakker verhandel teen R9 910/ton. Die sojaboon Mei ’23-kontrak het teen R9 030/ton, R75/ton laer, verhandel.

Koring:

• Die Amerikaanse koringmarkpryse het ook laer verhandel weens goeie vog in dele van die VSA en meer vog wat in die komende weke verwag word. Egipte gaan 5% minder koring in hierdie seisoen invoer vergeleke met die vorige seisoen.
• Plaaslik: Die plaaslike koringmarkpryse het marginaal hoër verhandel in Donderdag se sessie.
• Die koring Januarie ’23-kontrak het teen R6 500/ton verhandel, R20/ton sterker. Die koring Maart ’23-kontrak het teen R6 560/ton verhandel, R17/ton swakker.

OFM-nuus