Hy sê damme se invloei is redelik sterk. Fourie sê dit hou 'n risiko in vir veral inwoners en produsente langs die rivier.

Intussen is ’n geel vlak-twee waarskuwing uitgereik vir ontwrigtende reënval oor die sentrale dele van Noordwes, die Vrystaat en Suid-Gauteng. Die  Suid-Afrikaanse Weerdiens het ook 'n oranje, vlak-vyf waarskuwing uitgereik vir ontwrigtende reënval oor die ooste van Noordwes en dele van die Vrystaat. Dit  kan lei tot oorstromings van laagliggende woongebiede of paaie, laagliggende dele en brûe, en bestuurstoestande op grondpaaie bemoeilik. 

Sommige abattoirs het hulle deure gesluit, terwyl ander in die mark is. 'n Senior landbou-ekonoom van die Universiteit van die Vrystaat, Prof. Frikkie Maré, sê  dit is te wyte aan onder meer vyfde kwart pryse wat nie te wense is nie. Hy sê inset- en voerkoste lei daartoe dat voerkrale ook onder druk verkeer, wat pryse beïnvloed.

EN

Uiters hoë brandtoestande word verwag oor dele van die Noord-Kaap, wat Pofadder en Victoria-Wes insluit. Toestande is van so aard dat die  Brandgevaar-indeks bo 75 is. Boere moet kennis neem dat brande onder hierdie toestande vinnig kan ontwikkel en versprei. wat skade aan eiendom en moontlike  verlies van mense- en/of dierelewe tot gevolg kan hê.

OFM-nuus