Mielies:

• Die Amerikaanse mieliepryse het Woensdagoggend 0,5% hoër verhandel ná 'n blitsverkope aan China. China het nog 203 200 ton van die VSA gekoop. Etanolproduksie het bo die 1 miljoen vat per dag-kerf gebly en voorraad het met 3% afgeneem.
• Plaaslik: Die plaaslike mieliemark het weereens gemeng verhandel teen sluitingstyd. Witmielies het effens beter presteer as geelmielies.
• Die witmieliekontrak het vir April ’23 R30/ton sterker verhandel vir die dag om teen R3 978/ton te sluit. Witmielies vir lewering in Julie '23 het R5/ton swakker verhandel teen R3 846/ton.
• Die geelmieliekontrak vir April ’23 het verhandel teen R4 021/ton, R6/ton swakker. Die geelmieliekontrak vir lewering in Julie ’23 het teen R4 060/ton verhandel, R6/ton swakker.

Sojabone:

• Die Amerikaanse mieliepryse het Woensdagoggend 0,5% hoër verhandel ná 'n blitsverkope aan China. China het nog 203 200 ton van die VSA gekoop. Etanolproduksie het bo die 1 miljoen vat per dag-kerf gebly en voorraad het met 3% afgeneem.
• Plaaslik: Die plaaslike sojaboonmark het Donderdag sy kop laat sak en laer verhandel.
• Die sojaboon April ’23-kontrak het R45/ton swakker verhandel teen R8 175/ton. Die sojaboon Mei ’23-kontrak het R58/ton swakker verhandel teen R8 185/ton. Die sojaboon Julie ’23-kontrak het teen R8 341/ton, R42/ton swakker verhandel.

Koring:

• Die Amerikaanse koringmarkpryse was oornag rooiwarm, maar het aansienlik afgekoel namate Woensdag se sessie aangestap het. Mei CBOT-kontrakte het op 'n stadium Donderdagoggend 'n vier weke hoogtepunt bereik.
• Plaaslik: Die plaaslike koringmark het effens ondersteuning gevind in Donderdag se sessie.
• Die koring April ’23-kontrak het teen R6 630/ton verhandel. 
• Die Koring Mei ’23-kontrak het teen R6 695/ton verhandel, R16/ton sterker.

OFM-nuus