Mielies:

• Die Amerikaanse mieliepryse het Donderdag se sessie met beskeie oornagwinste begin, maar het effens in die rooi inbeweeg ná 'n rondte van ligte tegniese verkope.
• Plaaslik: Die plaaslike mieliemark het ondersteuning verloor en verhandel tans sterk onder die R4 000/ton merk.
• Die witmieliekontrak het vir April ’23 R25/ton swakker verhandel vir die dag om teen R3 952/ton te sluit. Witmielies vir lewering in Julie '23 het R55/ton swakker verhandel teen R3 798/ton.
• Die geelmieliekontrak vir April ’23 het verhandel teen R3 957/ton, R72/ton swakker. Die geelmieliekontrak het vir lewering in Julie ’23 teen R4 012/ton verhandel, R51/ton swakker.

Sojabone:

• Die Amerikaanse sojaboonmark het mielies Donderdag laer gevolg ten spyte van die toets van klein winste tydens die dag se sessie. Pryse het uiteindelik 0,25% laer verhandel namate handelaars wag vir vars data van môre se voornemende aanplantingsverslag.
• Plaaslik: Die plaaslike sojaboonmark het weereens vatbaar swakker verhandel met kontrakte wat tot en met 1,6% verloor het.
• Die sojaboon April ’23-kontrak het R92/ton swakker verhandel teen R8 083/ton. Die sojaboon Mei ’23-kontrak het R128/ton swakker verhandel teen R8 071/ton. Die sojaboon Julie ’23-kontrak het teen R8 225/ton, R113/ton swakker verhandel.

Koring:

• Die Amerikaanse koringmarkpryse het Woensdag eenmaand hoogtepunte bereik, maar het Donderdag ietwat afgekoel as gevolg van 'n rondte van winsneming.
• Plaaslik: Die plaaslike koringmark het sojabone en mielies laer gevolg en ook vatbaar swakker verhandel. Kontrakte het tot en met 1,4% verloor.
• Die koring April ’23-kontrak het teen R6 536/ton verhandel. Die koring Mei ’23-kontrak het teen R6 605/ton verhandel, R90/ton swakker.

OFM News