Die hoogs verwagte geleentheid, wat Dinsdag by NAMPO Park by Bothaville begin het, het duisende besoekers op sy openingsdag gelok.

Die besluit om die handelsmerk te hernu en 'n nuwe logo bekend te stel, is sowat twee jaar gelede deur Graan SA geneem. 

Graan SA se Alzane Gomes sê die organisasie het besluit om sy fokus te herdefinieer en die deurslaggewende rol van boere in die graanbedryf uit te lig. 

Met die erkenning dat Graan SA en die NAMPO-handelsmerk die stem van graanprodusente verteenwoordig, was die doel om die eenheid en krag van kollektiewe optrede binne die bedryf te versterk.

“Die Graan SA handelsmerk poog om die graanprodusent, die publiek en die graan waardeketting te betrek en ons wil regtig die storie verkoop – die storie van ons is die graanprodusent, ons is ons graanboere. Ons is as gevolg van hulle. As dit nie vir hulle was nie, was daar nie ’n ons nie,” sê Gomes.

Sy sê die maatskappy het besluit om terug te gaan na hulle wortels en dat die verandering ook die doel gehad het om NAMPO se teenwoordigheid in die mark te versterk. 

Die eerste NAMPO Oesdag 55 jaar gelede

Die eerste oesdag het sy oorsprong terug in 1967 op 'n plaas net buite Bloemfontein gevind. Gomes sê dit was aanvanklik as 'n sentrale plek vir trekker demonstrasies in die vooruitsig gestel en het dit getransformeer van 'n beskeie byeenkoms van 'n paar honderd deelnemers na 'n massiewe handelskou wat duisende besoekers na NAMPO Park lok oor 'n tydperk van vier dae per jaar.

Die vlagskipgeleentheid vind jaarliks in Mei by NAMPO Park plaas, gevolg deur NAMPO Kaap in Bredasdorp in die Wes-Kaap, wat in September gehou word. 

“Meeste van die uitstallers wat jy by NAMPO sien is ook by NAMPO Kaap, ’n bietjie meer van die wynbedryf is uiteraard betrokke.”

Boonop vind die relatief nuwe NAMPO ALPHA Lewendehawe, Jag- en Buitelewe-expo, in Oktober plaas.

Gomes voeg by, Graan SA se NAMPO Oesdag strek verder as sy landbou-impak, aangesien dit 'n belangrike rol in die plaaslike gemeenskappe speel. Bothaville, Klerksdorp, Stilfontein, Viljoenskroon en die omliggende gebiede trek ekonomies voordeel uit die geleentheid se teenwoordigheid. 

NAMPO dien as 'n jaarlikse ontmoetingspunt vir die landbougemeenskap, bevorder verbintenisse, herleef ou vriendskappe en fasiliteer nuwe verhoudings.

Volgens Gomes, was daar teen Dinsdag ongeveer 15 800 besoekers, gevolg deur 'n selfs hoër bywoning van 24 500 op Woensdag.

“Almal met wie ons praat is opgewonde om hier te wees. Hulle het die skou gemis in sy oorspronklike formaat, so nee ons is baie geseënd.”

OFM Nuus