Agriculture
Merino-vagwol verkoop goed tydens vierde wolveiling─── ELSABÉ RICHARD 08:32 Fri, 08 Sep 2023
Die vierde wolveiling van die 2023/24-seisoen het hierdie week plaasgevind, waar meer as 1 500 bale by OVK se veiling aangebied is.
Sien onderstaande PODCAST
Junior wolwaardeerder by OVK, Juan Venter, sê die Cape Wools Merino-aanwyser het met 1,9% vir nie-RWS en 2,2% vir RWS wol gestyg teenoor die vorige veiling, en teen 'n skoonprys van R153,07/kg en R165,74/kg, onderskeidelik gesluit.
“Op die OVK-veiling is 1 546 bale aangebied, waarvan 91,85% verkoop is.
“Die hoogste prys op die OVK-veiling van R226/kg, is behaal vir ‘n 1 baal lot CH van 15.6 mikron, uit die skeersel van WA Nolte, vanuit die Victoria Wes-distrik.
“Die koper was G Modi Standard Wool SA,” deel Venter.
Skakel gerus met OVK om u by te staan in die RWS-sertifiseringsproses.
