Boere word gemaan om ten volle geïntegreerde plaagbestuurstrategieë toe te pas om ’n algehele oesverlies te voorkom weens aalwurms. 

Prof. Driekie Fourie, Aalwurmspesialis by Syngenta, sê die impak van aalwurms word dikwels oor die hoof gesien en hou 'n veel groter probleem in as wat baie boere dalk besef.

Sy sê sodra aalwurms in die grond gevind word, is uitroeiing byna onmoontlik. Dit lei nie net tot aansienlike oesverliese nie, maar bedreig ook volhoubare gewasproduksie.

 Uitvoervrugte en -neute

Die uitbreiding van die gebied onder beplanting met hoëwaarde-uitvoervrugte en -neute sal na verwagting 'n toename van 30% in uitvoervolumes oor die volgende dekade meebring.

Die bedryf se volhoubaarheid is in die weegskaal weens risiko's in uitvoergeleenthede, sê Janine Ryan, redakteur van Farmer's Weekly.

Statistieke deur die Buro vir Voedsel- en Landboubeleidstellings vir landbouvooruitsigte vir 2023 tot 2032, wys op aansienlike prysdruk in baie markte, wat 'n dringende ondersoek vereis na marktoegang en die opgradering van hawe-infrastruktuur.

Bloubessiebedryf

Nadat die Suid-Afrikaanse bloubessieboere verlede jaar verliese gelei het weens vertragings by die hawens, is stabiliteit vanjaar in die bedryf verwelkom.

Ryan sê uitvoer vir die jaar het tot dusver toegeneem vanaf verlede jaar. Elzette Schutte, operasionele bestuurder by Berries ZA, sê terwyl die noordelike produksiestreke vroeg 'n hoogtepunt bereik het en die meeste van hul oes voltooi het, word verwag dat die Wes-Kaap later as gewoonlik 'n hoogtepunt sal bereik. 

Ten spyte van 'n toename in volumes, uit die noordelike produksiestreek, word verwag dat die totale opbrengs vir die jaar op die verwagte 25 000 ton sal bly.

OFM Nuus