Mielies:

• Die CBOT-mieliekontrakprys vir die naaste handelsmaand het sedert Woensdag marginaal gedaal en met 0,20% laer verhandel.
• Die binnelandse mieliekontrakte het Woensdag met algemene afwaartse tendense verhandel. 
• Die plaaslike nabymaand witmieliekontrak vir lewering in Oktober met R7/ton (-0,18%) gedaal en teen R3 959/ton gesluit. 
• Die plaaslike nabymaand geelmieliekontrak het vir lewering in Oktober onveranderd verhandel en teen R3 750/ton gesluit.

Sojabone:

• Die CBOT-sojaboonkontrakprys vir die naaste kontrakmaand het sedert Woensdag met ‘n margninale 0,81% opwaarts verhandel.
• Kommer oor plantvertragings in Brasilië vir die 2023/24-seisoen as gevolg van ongunstige weer het ondersteuning bygevoeg.
• Die binnelandse sojaboonkontrakte het Woensdag met skerp opwaartse tendense verhandel. 
• Die plaaslike sojaboonmark het vir lewering in Oktober 2023 met R165/ton (+1,82%) geklim en teen R9 250/ton gesluit. 
• Die Maart 2024-kontrak het met R126/ton geklim en teen R9 230/ton.

Koring:

• Die CBOT-koringkontrakprys vir die naaste handelsmaand het sedert Woensdag met 1,2% afwaarts verhandel.
• Sterk mededinging van oorvloedige Swartsee-koringvoorrade het steeds druk op internasionale koringpryse geplaas. 
• Koringuitvoerpryse in Rusland het meestal stabiel gebly. 
• In Oekraïne het logistieke uitdagings ontstaan weens lae watervlakke op die Donaurivier, wat daartoe gelei het dat vaartuie met 30% tot 40% onderlaai moes word. Dit het tot verhoogde koste en stadiger verskeping gelei het.
• Die binnelandse koringkontrakte het Woensdag met effense afwaartse tendense verhandel. 
• Die plaaslike koringmark het vir lewering in Oktober 2023 met R66/ton (-1,05%) laer verhandel en teen R6 200/ton gesluit. 
• Die Desember 2023-kontrak het met R14/ton (-0,23%) gedaal en gesluit teen R6 065/ton.

Vir meer inligting oor die huidige kommoditeits mark, besoek gerus Graan SA se webtuiste. 

OFM Nuus