Die familie van 'n man wat na bewering gesterf het aan die hand van drie Noordwes-boere, reik uit na 'n politieke party vir ondersteuning. Naasbestaandes van Dumisani Phakathi, 'n pa van drie van KwaZulu-Natal, vra die EFF om hofverrigtinge by te woon aangesien hulle weens finansiële beperkings nie kan reis nie.

Hengelaars word gevra om meer foto’s en inligting van enige siek visse in die Vaalrivier te stuur na ’n inwoner van Vanderbijlpark wat al 32 jaar lank hier hengel. OFM Nuus het verlede maand berig daar is groot rede tot kommer oor die plaaslike visse se toestand. Sommige visse het sere wat lyk asof hulle melaats is; ander het deur hulle skubbe begin bloei. André Pietersen sê dit lyk of baie van dié visse gevang word in die gebied tussen Vereeniging en Deneysville. Nader hom by 079 971 0728. 

Produsente word aangeraai om siektevrye gesertifiseerde saad te koop. Dit is om die risiko vir onder meer kopvrotte by mielies te beperk. Boere in die Vrystaat is sedert 1 Mei ’n verwoestende slag toegedien deur veldbrande. Meer as 570 000 ha het deurgeloop onder amper 5 800 veldbrande. Vrystaat Landbou sê boere verkeer in nood en kort voer vir hul diere. Diegene wat voer wil skenk of donasies kan maak, kan Vrystaat Landbou se webtuiste of Facebook-blad besoek.

EN

Die Vrystaat se Landbou-LUR sal vandeesweek die departement se voedselsekerheidsprogram versnel in die Thabo Mofutsanyana-distrik. Dis deel van opbou-aktiwiteite tot die Provinsiale Maatskaplike Kompakte Imbizo wat Vrydag plaasvind in Qwaqwa. Landbou-woordvoerder Zimasa Mbewu sê die distrik is een van die armste in die Vrystaat met 'n hoë werkloosheidsyfer en voedselpryse wat vererger word deur voedselonsekerheiduitdagings.

OFM Nuus/Elsabé Richard-May Morné